«СНПС-Ақтөбемұнайгаз» АҚ мұнай өндіретін өңірлердегі әлеуметтік-еңбек жағдайы мен ақпараттық кеңістіктегі ахуалды тұрақты бақылауда ұстайды. Компания өкілдерінің айтуынша, кәсіпорын нысандарында еңбек жағдайына қатысты елеулі мәселелер тіркелмеген.
Бас директор әкімшілігі басшысының орынбасары Юрий Шикарёвтың сөзінше, компанияның қазақстандық қызметкерлерінің барлығы кәсіподақ құрамына кіреді. Кәсіподақ жұмысшылардың еңбек және тұрмыстық жағдайларын бақылауға қатысады.
Атап айтқанда, кәсіподақ Жаңажол және Кеңқияқ вахталық кенттеріндегі арнайы киіммен қамтамасыз ету, тұру жағдайы мен тамақтану талаптарының сақталуын бақылайды. Сонымен бірге қызметкерлерге медициналық қызмет көрсету, тұрақты медициналық тексеру және санаторий-курорттық емделуді ұйымдастыруға қатысады.
Әлеуметтік мәселелерге қатысты жұмыстардың тағы бір бағыты – компания мен Ақтөбе облысының әкімдігі арасында жыл сайын жасалатын меморандумдар. Оның аясында кәсіпорын өңірдегі инфрақұрылымдық және қайырымдылық жобаларға жыл сайын 300 млн-нан 900 млн теңгеге дейін қаражат бөледі.
Компанияның шамамен 5 мың қызметкері ауысымдық, жарты жылдық және жыл сайынғы медициналық тексеруден өтеді.
